Kolefnishlutlaus starfsemi

Markmið loftslagssamnings Sameinuðu þjóðanna og samþykktra samninga á grundvelli hans er að stöðva loftslagsbreytingar og koma þannig í veg fyrir hættulega röskun loftslags af mannavöldum.

Birta hefur það að markmiði að vera kolefnishlutlaus lífeyrissjóður. Það gerist með því að binda meira af gróðurhúsalofttegundum en sem svarar til þess sem starfsemi sjóðsins losar.

Birta stuðlar að því að binda 750 tonn CO2 ígilda með því að gróðursetja 7.500 tré í Haukadal í samstarfi við Skógræktina. Þetta svarar til losunar gróðurhúsalofttegunda í skrifstofuhaldi Birtu í 35 ár. Sjóðurinn er því ekki einungis kolefnishlutlaus heldur beinlínis kolefnisjákvæður.

Kolefnisspor Birtu nær til losunar gróðurhúsalofttegunda við urðun úrgangs, notkunar á heitu og köldu vatni, raforku og eldsneytisnotkunar starfsmanna á vinnutíma, til og frá vinnu og til flugferða.

Styrkur losunar gróðurhúsalofttegunda er mældur árlega og upplýsingar færðar í vöktunarskjal sjóðsins.